~~~~kingdom of pain ~~~~

البوست رقم (100)

النهارده البلوج له  طعم تانى  مش زى أى مره كتبت فيها  اغرب شئ انى فعلا قبل مافتح المدونه كنت متردده اكتب مأ اكتبش مش عارفه اعمل ايه حالتى مش هاتسمح لى انى اكتب شئ محدد لكن وانا فى وسط حاجات كتير النهارده  كلمات معينه عماله تتردد على لسانى ومش  عايزه تفارقنى  . الغريب انها طالعه من جوايا المره دى يشجن غريب ووبتلح  جدا  على افكارى وكل ماأحول اهرب منها  بترجع تانى  يمكن مش اول  مره ارددها بالعكس الاغنيه كانت دايما ليها جوايا احساس خاص لكن بنمر احيانا بوقت الكلمات الى ممكن تكون عايده فى وقت  تانى  بنلاقيها فى لحظه معينه  بتمس شئ جوانا بشكل غريب ساعاتها بس بنحس بيها اوى وتأثر فينا اوى ......أغنية الحدود من أحلى الأغاني اللي غنتها فرقة الأصدقاء... و كانت متكونة من منى عبد الغني و علاء عبد الخالق وحنان  الجميل النهارده ان ده البوست رقم 100 وسعيده جدا ان  مشاركتى فيه تكون بكلمات أإنية الحدود

تعليق بدون عنوان

03:50 م, 09/ 4/2007نشرت من قبل Anonymous

الاخت قطرات الندى

الاغنيه فعلا من اجمل اغانى فريق الاصدقاء وهى من الحان الرائع عمار الشريعى واذكران ان الفريق فى وقت ما ضم الفنانه هدى عمارالى جانب حنان ومنى عبد الغنى والفنان علاء عبد الخالق
وقد قدم الفريق العديد من الاعمال الرائعه,طبعا البوست بتاعك رجعنى لاجمل زمن فى التمانينات كان فيه مجموعه متميزه منالفرق الى بنفتقد وجودها الايام دى

زى فريق الجيتس(شريف حبيب)واغنية شد الحزام على وسطك

فرقة المصريين ( هانى شنوده ) وأغنية ماشيه السنيوره

وفرقة الفور ام( عزت ابو عوف ) وكان ليهم اغنية متغربين

وكان فى الوقت ده فيه تنافس على تقديم اروع الاغانى

ويمكن فرقة الأصدقاء كان ليهاعندى مذاق خاص

عموما انا سعيد ان فيه حد لسه بيفتكر الاغانى الجميله

دى من الجيل الجديد حبيت اهنيكى كمان بالبوست رقم 100

واقول لك ان البلوج كله بيقول انك انسانه رومانسيه

وذكيه وفعلا يستحق القرايه

تحياتى وبأدعوكى لزيارة مدونتى وموقعى الشخصى

brain _user
http://www.sfeeral7b.com/vb/

شكرا

07:07 م, 09/ 5/2007نشرت من قبل hayah

الصديق brain _user

اسمح لى أشكرك على اضافتك الجميله والمعلومات التى أفادتنى قراءتها عن الفرق التى تفضلت وذكرتها فى الحقيقه يمكن اناباعرف فرقة الاصدقاء والفور ام أكتر
فرقة الجيتس ما سمعتش عنها ولكن بيسعدنى انك اضفت المعلومه واشكرك كمان على الدعوه ورسالتك الرقيقه وأن شاء الله فى أنتظار الاغانى الى وعدت بيها وأقدر اضيفها من وقت لأخر فى المدونه

تعليق بدون عنوان

07:38 ص, 09/18/2007نشرت من قبل ahmedshawky

كل الناس أصدقائك .. بجد ذكاء من كالحركات الجميله ده

مبروك متاخره أوي مني .. بس أعذريني

أغنيه روعه وزوق جميل

أنا عندي أسئله كتير أوي لمضصر ملهاش ردود

مفيش سؤال معين
بس أي حد لو فكر يسأل مصر
أعتقد مش هيلاقي رد

خلينا إحنا الدمعه الي فرت ده

شوقي !!