~~~~kingdom of pain ~~~~

وحشتنى المدونه

وحشتنى المدونه مش عارفه ليه ورغم انى حاولت اكتب فى مكان تانى بعيد عن هنا . مكان اكون فيه لوحدى اقدر اتكلم مع نفسى بصراحه اكبر

لكن التجربه ماستمرتش كتير او يمكن مالقيتش حاجات كتير عايزه اقولها بينى وبين نفسى .. ويمكن الحنين للمكان  هنا لانه اول مكان اكتب فيه عن نفسى

كان اكبر من محاولة الهروب ...  المهم انى رجعت ولما رجعت لاقيت شئ جميل جدا لاقيت رسايل كتير من اصدقئى فى المدونه بتسأل عنى ساعتها

حسيت أنى عايزه اشكر القائمين على الموقع انهم عدلوا  المدونه وسمحوا  بتبادل الرسائل شئ جميل اننا نحس انه فيه ناس بتسأل عننا لما نغيب 

الايام الى فاتت ومع بداية الصيف كانت فتره غريبه شويه حتى انى قلت لاصحابى انا مش واخده على كده .!وكده ده يعنى التواجد بره البيت لفترات طويله

والخروج كتير يمكن انا نفسى مستغربه  الغريب انى بعد فتره ولانى من فتره مش باخرج كتير وخدت على البيت زى تنابله السلطان كده حسيت بارهاق لكن

برغم كده عندى شعور لذليذ بالسعاده  والتغيير لاقيت حاجات كتير اتغيرت فى الاماكن الى كنت متعوده عليها والحمد لله اتغيرت للافضل لكن خساره الناس

الى كنت متعوده اشوفهم كتير منهم مش موجود .. المهم مش هاطول عليكم كتير وهارجع للمدونه

اتعودت من فتره انى اضيف لمدونتى أغنيه من الاغانى الى باحس انها بتلح عليا فى وقت كتابتى او اضيف شئ جدي قريته فى الفترات القريبه

الايام دى قريت  قصيده جميله لامل دنقل اسمها سفر الف دال  أخترت من ها  الجزء ده

الشُهورُ: زُهُورٌ; على حافَةِ القَلبِ تَنْمو.

وتُحرقُها الشَّمسُ ذاتُ العُيون الشَّتائيَّةِ المُطفأهْ.

***


زهرةٌ في إناءْ

تتوهَّجُ - في أوَّلِ الحبِّ - بيني وبينَكِ..

تُصبحُ طفلاً.. وأرجوحةً.. وامرأة.

زهرةً في الرِّداء

تَتَفَتَّحُ أوراقُها في حَياءْ

عندما نَتَخَاضرُّ في المشْيةِ الهادِئه.

زهرةُ من غِناء
تَتَورَّدُ فوق كَمنجاتِ صوتكِ

حين تفاجئكِ القُبلةُ الدافِئه.

زهرةٌ من بُكاء

تتجمَّدُ - فوقَ شُجيرةِ عينيكِ - في لحظاتِ الشِّجارِ الصغيرةِ,

أشواكُها: الحزنُ.. والكِبرياءْ.

زهرةٌ فوق قبرٍ صغيـرْ

تنحني; وأنا أتحاشى التطلعَ نحوكِ..

في لحظات الودَاعِ الأَخيرْ.

تعليق بدون عنوان

06:59 م, 08/23/2007نشرت من قبل ryan

موضوع رائع
وياهلا بك من جديد
د.ريان

تعليق بدون عنوان

07:54 م, 08/23/2007نشرت من قبل shartie7868

الاخت قطرات الندي
اهلا وسهلا
حروفك تسعدنا
نتمني الا تغيبي عنا
كثيرا
لك الود والتحايا
اخوك محمد شرتاي